今日卓悅逆市而升, 仲要尾段先升得急, 再看莎莎, 升得仲多, 有成6.8%, 卓悅應該係跟莎莎升.

莎莎早排公佈左業績, 核心盈利係金融海嘯之下, 仍然有增長, 而且管理層透露, 首季仍然有增長, 莎莎近來的升勢, 係要反映業績同黎緊一年的增長預期.

中國天化工(362), 經營煤化工行業, 直去12月底純利下跌72%. 主要原因係主要業務, 經營的聚氯乙烯、醋酸乙烯價格於去年下半年都下跌, 而主要原材料碳化鈣之價格於期間內仍然高企; 另外, 澱粉及葡萄糖之生產停頓，維他命C 生產設施進進行改良工程, 引致生產又停頓, 但機器仍然運作, 仍然有廠房開支. 留意到, 營業額跌左, 應收帳卻上升, 都唔知收唔收得番.

勤加緣公佈左令人失望的半年業績, 虧蝕4.3億. 不過其中涉及4.6億是一次性撇帳同資產減值, 不涉及現金流。若果再扣除埋兌換虧損, 實際賺4千多萬, 都比去年倒退四成(不計對兌收益).

勤加緣半年業績食正金融海嘯最嚴重個期, 倒退四成還可以接受。假若下半年維持賺4千多萬, 當一年賺9千萬, 現價pe 過十倍, 與以往差不多(07,08時, 基金是以12倍pe去計勤加緣的估值). ..

北京發展(154)是北京的八達通公司. 不過香港八達通賺錢, 北京的八達通就蝕錢. 原因就在於北京發展而家係免費提供服務同設備俾公共交通, 即地鐵及巴士服務, 係冇錢收的, 因為同政府仲未傾掂條數點分帳.

市傳內地 5月份新增貸款放緩至 5000億元（人民幣．下同），令投資者擔心中央有意收緊銀根以遏抑經濟過快增長，惟法興資產管理大中華投資主管方君明認為，人行仍會實行適度寬鬆貨幣政策，最快年底才有可能加息，至於當局加強內需，更令他相信內房股和汽車股將掀起大升浪。

方君明指，貸款與國內生產總值（ GDP）增長已對等，這情況很多年未出現過，反映未來兩三年信貸會繼續激活經濟。

今日網上友人提到要留意一隻工業股仔, 立信工業(641), 成交突然大增, 即刻研究下.

製造和銷售供紡織行業使用的染整機械設備，同時經營不銹鋼材貿易及金屬鑄件生產業務, 去年海嘯, 終於錄得上年以來首次虧損.