1. 純利升18% , 但毛利跌左, 派息少左. 毛利跌左, 公司話因為奶粉業務多左, 拉低左整體毛利, 但我相信貨品提供折扣都係主因.

2. 係上半年金融海嘯, 經濟咁差情況, 間間香港零售股都業績大倒退, 卓悅仍然有增長, 化粧品股果然係淡市投資佳品

3. 美容業績增長放緩了, 但亦合理, 無可能年年增長咁勁.

4. 簡單計, 上半年每股盈利0.31 , 下半年賺同樣錢, 即全年0.62, 若果10倍pe , 值6.2. 若果8 倍pe , 值5.0 元.

5. 不過, 我相信下半年業績更佳. 公司透露下半年要續租的店鋪, 已經續租, 都只維持上半年的租金, 人工相信亦無增加的原因, 所以兩大成本都應變動不大; 再睇, 上半年經濟差, 影響港人消費, 4-6 月因為受到h1n1影響, 大陸旅客人數大減. 但下半年,香港經濟穩定落黎, 消費正在增加, 10 月又有國慶長假期, 而且隨時放寬深圳居民到港旅遊, 6月開始大陸旅客又增加番唔少, 咁多因素加埋, 相信下半年到卓悅買野的人, 將比上半年好好多

6. 而且若果經濟進一步穩定, 相信卓悅可以將貨品提價, 或者減少折扣.

7. 好求其咁亂估, 下半年有暑假, 多左人出街買野, 天氣熱, 女士們又駛多d 錢買化粧品同做美容, 大陸旅客回復增長, 又有史上最長國慶長假期, 年尾有聖誕買禮旺季,隨時放寬深圳民工自由行, 貨物單價又有機會上升, 所以毛利同營業額都大有機會增長. 而租金又固定了, 成本增幅不大, 係成本變動不大, 營業額上升情況下, 估計下半年業績更佳, 博一博比上半年增長3 成, 賺0.4 , 即全年賺0.7 . 十倍pe 即有可能到7.0 元.

8. 再看, 以前卓悅都冇基金買貨既. 但金手指惠理近排高價增持, 有基金捧場, 估值有機會提高呢...

不過講又咁講, 今日已經升左12%, 之前冇買貨的朋友, 值博率就不高了.........