香港新浪網 MySinaBlog
« 上一篇 | 下一篇 »
老占 | 15th Jan 2010, 02:25 AM | 個股分析 | (7993 Reads)

一直都想搵d 環保股買, 長楂的, 但係一係就貴, 一係就老千,但近日發現一隻冷門的股叫東岳集團(189), 呢間公司可能係未能十年的港股明星.

首先想講講的是, 呢間公司只係大約30億市值, 唔算係大公司, 又唔係國企,但係上年7月溫家寶、10月胡錦濤都先後到呢間公司參觀. 雖然我唔認為溫家寶同胡錦濤係特登要去參觀, 應該係佢地視察山東時, 省政府帶佢地去, 咁佢地咪去囉. 不過, 睇過一d 大陸的新聞, 知道東岳集團係山東省一家重點發展的企業, 唔單止係重點, 仲係最重點, 最一級的培養, 連省長都特登開會, 傾點樣搞到東岳集團成為世級頂級企業. 而東岳集團更係大陸"十一五國家發展計劃"的一部份. 係大陸的公司, 若果得到政府支持, 政策支持, 往往等於踢波踢多三個人,好鬼唔公平.

 

至於點解我話佢可能係未來十年港股明星? 全因為呢間公司係一間「高科技的環保概念加龍頭公司」。東岳集團(189) 係去年11月時突然急升, 原因10/11/09大陸一篇新聞稿,( http://www.zbradio.com/1143/zxw/20091112/35964.htm ), 講到東岳集團(189) 的新產品, 「離子膜」已經進行試生產,到09年底將完全完成產業化. 呢個「離子膜」係咩東東, 原來呢個離子膜一方面廣泛用於工業, 一方面用於新能源汽車. 原來全世界只有兩間公司有能力製造離子膜, 一間係美國的杜邦公司係上世紀70年代成功研發, 主要用於化工工業, 之後日本硝子公司從杜邦交換到部分生產權,但沒有自主知識產權, 呢一張的離子膜, 好鬼薄, 薄過一張A4 紙, 但因為被呢兩間公司壟斷左全球的供應, 價錢係黃金的三分一. 東岳集團(189)係8 年前開始研究, 上年終於研究成功.

東岳集團(189)研究的離子膜可以分為氯堿離子膜、燃料電池膜、太陽封裝膜等膜材料, 我從佢篇新聞稿入面睇, 成功試產的應該只有氯堿離子膜, 而就冇講到燃料電池膜, 因為我最有興趣的是燃料電池膜. 呢個燃料電池膜又係咩東東呢? 原來係未來大熱的新電池原料車的燃料既重要原素, 點解呢D 電池車既電池咁貴, 因為燃料電池膜本身就好貴麻. 點解東岳集團(189)係國家發展入面咁重要? 列入"十一五國家發展計劃"的一部份?就係因為呢一張膜, 第日D 車遲早全部轉晒用電池, 全世界只有三間公司, 美國、日本, 同大陸有能力供應燃料電池膜, 個市場係全世界的車呀, 唔係講少架, 而且呢一門技術唔係簡單, 如果唔係都唔駛研究八年先成功, 要比其他人搶生意好難呀!

講左咁多概念野, 係時候講返實際D , 佢地而家只係試產乍, 產量幾多, 成本幾多都唔知, 係咪成功投產產生盈利都未知. 講番佢本身已經有業務先, 東岳集團(189)係07年2.16上市, 而家仲未返會招股價. 東岳集團(189)係全球最大的製冷劑生產商, 仲有例如有機硅等新業務, 可以話衣食住行好多行業都有用到佢地的產品, 好受到經濟好壞的影響, 經濟一衰, 業績即急跌, 上半年仲要蝕錢, 因為銷量急跌, 售價又跌. 不過, 年報中, 提到佢地D 製冷劑銷量一個月好過一個月, 而且7月更開始供不應求, 價格上漲. 其實好簡單, 大陸經濟復甦, 家電下鄉, 雪櫃銷量大升, 國家又支持汽車業, 上年大陸既汽車股同家電股升得最厲害, 因為銷量急增麻, 其實當中東岳都係非常之受惠, 佢佔左國內冷劑市場的六成架, D 車呀, 雪櫃呀, 都要用佢地產品.

不過唔駛睇09年的業績, 睇就睇10 年的業績啦, 我估計佢最少可以上番07年賺2億. 即每股0.09, 現價1.46, PE 成16 倍, 工業股黎講, 好貴呀, 如果賺3億, 都係10倍PE , 都係唔平. 而且佢既離子膜業務都未開始, 我估難以提供到D 咩盈利. 咁既情況之下, 若果大市急跌, 佢冇業績支持, 只有慨念, 我估東岳會跌得好急, 跌到1.0 都唔奇, 最好就等大市跌, 分階段吸啦.

不過, 我個人性急, 已經係1.5 入左一注, 一入即蟹, 哈, 唔理啦, 我睇長線, 愈跌愈吸, 下一站係1.35再吸, 再黎1.2, 再黎1.05 , 不過最驚到時無錢. 另外, 今日賣左d 沽, 有錢就忍唔住手, 同時入左兩隻股, 0.41買入385, 同埋0.67 買入2310, 隻2310 都幾高風險下, 而且佢岩岩急升後回調, 應該未調完, 我應該買急左, 但係我就咁性急架啦, 哈, 呢兩隻都唔會加注既.

 


[1]

好似好有潛力咁喎~

Dozy
[引用] | 作者 Dozy | 17th Jan 2010 01:52 AM | [舉報垃圾留言]


唔錯架, 用黎鋸大樹唔錯

[引用版主回覆] | 作者 老占 | 19th Jan 2010 20:23 PM

[2]

占兄2310莊家吸左大半年貨,你及時買入都幾醒喎,不鳴則已,一鳴驚人,佩服!


[引用] | 作者 友友 | 19th Jan 2010 01:27 AM | [舉報垃圾留言]


好彩乍, 且未破1.0 .. 都唔穩啊,

[引用版主回覆] | 作者 老占 | 19th Jan 2010 20:29 PM

[3]

占兄,佩服


[引用] | 作者 Rickken | 20th Jan 2010 01:12 AM | [舉報垃圾留言]

[4]

0.67 買入2310,占兄,佩服


[引用] | 作者 Rickken | 20th Jan 2010 01:16 AM | [舉報垃圾留言]


oh, 我只是好彩, 呢隻唔破1.0 , 都唔安全 , 隨時向下走番落去

[引用版主回覆] | 作者 老占 | 20th Jan 2010 02:05 AM

[5]

日报讯 2月4日,东岳集团召开总结表彰大会,重奖离子膜项目开发团队,以张永明、张恒为代表的离子膜研发团队荣获奖金高达100万元的“董事长总裁特别奖”。

全氟离子膜是我国基础产业氯碱工业和新能源汽车的核心部件,是我国攻关达30年的重大技术难题,被称为“化工领域皇冠上的明珠”,它不仅是“离子膜法制碱”的电解关键材料,还是未来新能源利用的关键材料,谁摘下了它,谁就在新能源时代掌握了战略“制高点”。我国先后将其列入国家“六五”、“七五”科技攻关计划。2004年1月,在东岳取得离子膜科技攻关初步突破后,科技部紧急启动国家863计划,并将其列为重大科技攻关项目予以重点扶持。山东省也将东岳离子膜定为全省高新技术“一号工程”,举全省之力扶持其产业化。

以离子膜研发为载体,以张永明、张恒为代表的东岳研发团队经过不懈努力,成功探索出一条“整合资源共同解决科学问题、技术问题、装备问题和工程问题”的产业技术创新之路,取得了通过一个项目“解决一个国家技术难题,培育一支科技创新队伍,搭建一个科研创新平台,形成一个技术创新联盟,培育一个高新产业集群”的“五个一”科技创新管理成果,这种自助研发模式被科技部称为“东岳模式”。目前,以东岳集团为主体的氟硅功能材料产业技术创新战略联盟,已经有16所中外高校和科研机构加盟。

随着离子膜产业化试车成功,工业用离子膜下线,东岳集团终于登上这一核心技术的巅峰。东岳集团董事长张建宏表示,这意味着东岳通过自主研发,打破了国外数十年的技术垄断,不再受制于人的中国氯碱行业从此站到了一个崭新的起点。据悉,根据用途不同,离子膜分为氯碱离子膜、燃料电池膜、钒电池膜、盐酸电解膜、特种电解水膜等多种离子膜,下一步,东岳集团将按照其科研计划进行一系列全氟离子膜功能的研发。

据有关专家介绍,在当前国际能源危机的大背景下,各国都在积极研制能够取代石油、天然气的新能源,氢能已经被视为今后取代石油、天然气成为汽车动力的最理想能源,东岳燃料电池膜的研制成功对燃料电池汽车的发展具有重要影响。


[引用] | 作者 友友 | 18th Feb 2010 03:05 AM | [舉報垃圾留言]

希望佢快d 投產啦, 不過我估都要等下年, 暫時係1.0 邊儲下貨

[引用版主回覆] | 作者 老占 | 18th Feb 2010 18:18 PM

[6]

16/03/2010 以0.7 沽出了2310... 得個桔.失敗.
因為買2310 純為投機, 個陣0.9 無沽,已經錯過左最佳機會, 就快出業績, 業績雖然會好轉, 但股值並不值呢個股價, 雖然d 貨已乾, 唔會點大跌, 但係唔想冒險啦, 最重要係我無錢要沽貨

老占
[引用] | 作者 老占 | 17th Mar 2010 11:40 AM | [舉報垃圾留言]

[7]

占兄, 385 現在買還可以嗎?? 我看過他的圖, 好像不錯


[引用] | 作者 sam | 24th Mar 2010 11:18 AM | [舉報垃圾留言]

sam :
占兄, 385 現在買還可以嗎?? 我看過他的圖, 好像不錯

應該仲有水位, 自己衡量風險啊

[引用版主回覆] | 作者 老占 | 25th Mar 2010 00:30 AM

[8]

今日0.52 沽出385

老占
[引用] | 作者 老占 | 13th Apr 2010 02:42 AM | [舉報垃圾留言]

[9] 189

189 近來升得好急...上過2元, but 回調中...

點睇?


[引用] | 作者 Hanson | 30th Apr 2010 10:32 AM | [舉報垃圾留言]


現價好貴呢! 要回一回啦, 等離子膜既消息啦, 離子膜已經試產成功, 據講毛利率有60-80% , 技術甚至比美國同日本好, 不過搞得黎都要下年, 以佢現有業務黎講, 真係好貴, 如果早排跌落1.0 買, 真係又安全又有前景, 而家買只能講有前景, 談不上安全呢! 但呢d 股.... 一升可以升到唔信

[引用版主回覆] | 作者 老占 | 1st May 2010 01:26 AM

[10]

隻189 一野爆上左去
先生你點睇? 現價追入似乎有D危


[引用] | 作者 D | 25th Sep 2010 16:52 PM | [舉報垃圾留言]

D :
隻189 一野爆上左去先生你點睇? 現價追入似乎有D危

現價不要追吧! 低位冇買, 不要在高位接貨呀, 而家呢個位唔安全呢!

[引用版主回覆] | 作者 老占 | 26th Sep 2010 00:13 AM

Next