香港新浪網 MySinaBlog
« 上一篇 | 下一篇 »
老占 | 20th Aug 2010, 01:50 AM | 個股分析 | (1553 Reads)

金界係於柬埔寨的獨家經營賭場。於06年尾上市至到08年尾金融風暴前, 股價大約徘徊係1.5-2.5, 尋日出業業, 今日急升約兩升, 股價仍然係1.15。

簡單睇每股盈利, 半年賺約0.078, 假若下半年相同, 全年賺0.156, 今日急升後, pe 仍只有約7 倍多; 派息0.054, 中期業績派息都已經有4厘7,全年約能維持派息, 就有9 厘多, 我想現價有相當值博價值。

08年中期業績每股賺0.096, 係上市後最佳, 今年半年業績賺0.078 只差當時約兩成多, 當時派息0.058, 現時派0.054, 相差只約不到一成,不過當時股價去到2.5, 今日只有1.15 。金界派息率一向高, 有50-70%, 今年中期便派了70%利息, 屬於上限。近年中期派息率有70%, 要算07年, 可能剛上市, 將集資的錢派番俾股東(可能大老闆等錢用)。07年中期大派息後, 下半年業績比上半年增長了50%。今年又將派息率提高至70%, 下半年業績會否同樣增長50%呢 ?

老闆曾立強係09年的業績會上說, 2010年的目標係收入增長30%, 但剛出的業績半年收入只增長7%, 假若他的目標要實現, 即係全年收入要有12億, 現在半年收入有5億3千萬, 即是說下半年要有6億7, 下半年收入要較上半年增長25%, 以公司大增派息來看, 可能成功。假若下半年約利同樣增長25%, 全年賺0.216, 保守8-10 倍pe 計, 值1.73-2.16 , 現價1.15來算, 有50-90% 賺。

睇番公司的年報, 收入只增長7%, 但純利就增長差不多一倍, 原因係公司將業務重點轉左去大眾市場。以往金界的收入主要靠賭團, 即係由中間人帶一d 專登黎賭錢的客人, 中間人重中抽佣, 因為要抽佣, 令到毛利較低, 而且受制於中間人。去年開始, 金界逐漸將重點轉為大廳客人及老虎機, 大廳收入增加84%, 老虎機增加43%, 但賭團收入減少40%, 做成整體收入增幅少, 純利就有幅上升。

賭團收入減少, 公司話要收緊信貸, 同d質素較好的中間人合作, 可能係因為09年金融風暴期間, 壞帳嚴重, 要控制風險。

而公司現時無負債, 財政良好。近幾年投入數億元興建的NagaWorld, 已經差不多完成,資金投入將大為減少, 相信派息可以維持。 NagaWorld的酒店餐飲娛樂業務仲蝕緊錢, 但有協同效益, 會吸引好多原本唔去賭場的客人, 因為去NagaWorld, 而順便去埋賭場。

買入金界, 暫時只賭佢半年業績, 不打算作長期持有。雖然柬埔寨自從90年代政局開始穩定後, 旅客人數不斷上升, 近年都保持10%增長。不過, 據講, 有柬埔寨富商今年二月係近邊境興建了另一間賭場, 原來金界的獨家經營權係金邊方圓200公里範圍內, 而係新起個間賭場, 係近越南邊境, 不知會對金界有多大影響.


[1] 不如過來realblog寫

你寫得這樣好,不如過來realblog寫啦。那你可以把東西一齊搞起來。

http://realblog.zkiz.com/


[引用] | 作者 greatsoup | 22nd Aug 2010 16:33 PM | [舉報垃圾留言]


湯大哥, 謝謝邀請, 但因為無閒兼顧兩個blog , 又不想放棄這個blog , 所以暫時不到realblog 寫啦, 不過我經常到閣下的blog 及討論區, 亦會多留言的

[引用版主回覆] | 作者 老占 | 23rd Aug 2010 23:54 PM

[2]

比隻362同8053 壓阻d $...>


[引用] | 作者 justforyou | 26th Aug 2010 10:13 AM | [舉報垃圾留言]


我都蟹緊呢兩隻, 升唔起係因為 d 購股權,
睇埋呢半年, 應該要做野啦

[引用版主回覆] | 作者 老占 | 27th Aug 2010 12:17 PM

[3] Re: 老占
老占 :

我都蟹緊呢兩隻, 升唔起係因為 d 購股權,睇埋呢半年, 應該要做野啦


點解關購股權事??


[引用] | 作者 justforyou | 30th Aug 2010 17:37 PM | [舉報垃圾留言]


去聯交所check 下, 佢地呢幾個月, 係咁行駛購股權, 行駛左拿左貨就沽
362 我不膽心呢
8053 真的有點擔心,, 呢隻係我呢兩年輸得最慘的一隻

[引用版主回覆] | 作者 老占 | 30th Aug 2010 23:43 PM

[4] Re: 老占
老占 :

去聯交所check 下, 佢地呢幾個月, 係咁行駛購股權, 行駛左拿左貨就沽362 我不膽心呢8053 真的有點擔心,, 呢隻係我呢兩年輸得最慘的一隻


但行駛都要行駛價.....如果之前行駛價0.45...佢咁低價沽..邊有賺??


[引用] | 作者 justforyou | 3rd Sep 2010 11:18 AM | [舉報垃圾留言]


0.45 係新個批, 佢有一批係舊既.. 行駛價係0.149, 不過由8月到而家都冇再行駛, 而且亦差不多行駛晒, 所以股價亦暫停下跌, 若成交量仍然係咁低, 或者係已經築底, 而且已經震走晒d 散戶, 或者冇咩成交下, 悶多一排, 最低或者跌落0.15, 之後可能上演升到你唔信既劇情...
不過, 呢d 老千股, 好多估惑野, 真係投機還投機, 唔好賭身家

[引用版主回覆] | 作者 老占 | 3rd Sep 2010 23:38 PM

[5]

唯有等下la...數萬元都幾入肉ga...>


[引用] | 作者 justforyou | 6th Sep 2010 00:35 AM | [舉報垃圾留言]


最驚一賣就爆.

[引用版主回覆] | 作者 老占 | 8th Sep 2010 22:19 PM

[6]

東岳集團攪乜鬼?現價好高,下半年雪種銷售回落吧,買冷氣機d人都買齊la


[引用] | 作者 RC | 8th Sep 2010 15:22 PM | [舉報垃圾留言]


其實也不是好高呢, 上半年賺0.13, 下半年一般較上半年較好, 若賺多兩成, 賺0.156, 即全年賺0.286, 十倍pe , 值2.86.
2011 若再賺多兩成, 再因為離子膜概念, 股值俾12 pe, 股價去到4.11

[引用版主回覆] | 作者 老占 | 8th Sep 2010 22:27 PM

[7] 找到3918 七八月营运数据

七八月slot machine 收入比上半年增长30%

http://dannyyung.wordpress.com/2010/09/14/info-leading-to-info%e2%80%a6nagacorp-%e9%87%91%e7%95%8c%e6%8e%a7%e8%82%a1-3918-hk/


[引用] | 作者 Danny | 15th Sep 2010 00:01 AM | [舉報垃圾留言]


thanks , danny , 非常好的資訊啊, 謝了!
閣下blog 內的分析很好啊, 一口氣睇晒, 學習了

[引用版主回覆] | 作者 老占 | 15th Sep 2010 01:56 AM

[8]

今日1.72 沽出3918

老占
[引用] | 作者 老占 | 27th Jan 2011 19:11 PM | [舉報垃圾留言]

[9] Re: Miriam

今日1.98 買返金界, 見佢四個月業績好似好好咁

老占
[引用] | 作者 老占 | 10th Jun 2011 00:30 AM | [舉報垃圾留言]


1.81 止蝕, 慘

[引用版主回覆] | 作者 老占 | 24th Jun 2011 00:36 AM