香港新浪網 MySinaBlog
« 上一篇 | 下一篇 »
老占 | 28th Sep 2010, 17:10 PM | 創業 | (4026 Reads)

轉載自: 壹週刊

7-11愛密集式開業,在人流多的地方如旺角區,便有三十多間;而在元朗這裡一條短短的街道,便有兩間 7-11及一間 OK便利店打對台。

「梗有一間喺左近!」這個 7-11的宣傳口號,曾幾何時,是不少香港人的集體回憶;而擁有一間 7-11,亦是不少拿老本想穩陣創業的香港人心聲。不過,隨着零售業陷入混戰,便利店愈開愈多,逼爆各區,這個加盟 7-11賺大錢的美夢最終告終。

7-11為了增加市場佔有率,近年以平均一星期開一間的速度,在全港九新界狂開分店,再以特許經營方式出讓予加盟商。現已有九百七十多間,有的正正開在另一加盟店的對面或轉角,大大攤薄既有加盟商的利潤。不少拿出五十萬血汗老本的加盟商,扣除自己人工,每月原來只賺一、兩千元!還要換來總公司不良營運下的一肚氣。

7-11逼爆旺角


今年五十多歲的陳小姐(化名),本來與家人經營電腦生意,由於電腦型號愈推愈快,他們難以緊貼潮流維生,遂想到找家族中人來另立一門穩定生意,「我哋唔求賺好多,只係想有穩定嘅收入保本,所以想起加盟 7-11。」

陳小姐經多次面試及三個月培訓,過五關斬六將,才獲 7-11首肯加盟,「佢哋先搵地方開鋪,經營一年左右再抽出來俾加盟商揀選。」陳小姐最後選擇了荃灣區一間分店;交了四十多萬連加盟費的費用,換來每月賺萬多元(連陳小姐落場當經理人工),雖然少但尚算穩定,豈料數個月後,對街轉角竟然開多了一間 7-11,即時攤薄其利潤至數千元。

唔理感受 話開就開

「簡直趕狗入窮巷!我哋質問 7-11點解,佢哋只係話佢哋唔開都會有其他便利店開。我都知做生意有風險,但呢啲係 7-11自己做出嚟嘅人為風險,我哋唔接受囉!依家不但出錢打工,仲一啲都唔受尊重!」原來根據加盟商與屬牛奶公司旗下的 7-11總公司所簽訂的合約,並無限制總公司不可在加盟商經營的分店附近再開店,結果在同區甚至同一條街上開多間 7-11並無違約,但卻大大攤薄每間店的利潤。

加盟商與總公司的營運模式,是總公司負責租金,但加盟商要向總公司入貨,然而身為前線工作者的加盟商,卻無權因應情況去決定入貨量和擺貨形式,「總公司只猛推佢哋賺得較多嘅貨,未有考慮唔同分店嘅存貨量和銷售表現去分貨,好多時興緊嘅新貨未能第一時間上架,但舊貨又逐個月囤積。」其中一位加盟商不平道。

加盟商還需要負責各種器材用具的維修和更新,但是貨源卻須向 7-11總公司訂購,「佢哋會用啲已停產型號嘅貨尾,以高價賣俾我哋。」另一名加盟商不忿道。好像一款雪櫃零件,總公司定價八百多元,但市價只需三百多元,又如另一同款閉路電視,於「生活易」網上商店才售九百元,連送貨加五十元,但總公司的報價是一千九百多元,送貨須另加二百五十元,價錢比市價高出一倍有多。但因着「合約精神至上」,加盟商唯有無奈接受這些「魔鬼」價格,並對一切經營策略逆來順受。

 


現時售賣小食的「熱賣點」,由 7-11旗下的 Food Team經營,加盟商可選擇由自己經營,但只限在營業額一千元以下的「熱賣點」,而食物來貨亦規定由 7-11提供。(《蘋果日報》圖片)

 


○七年七月, 7-11與滙豐銀行合作推出便利店捐款服務,圖中為今年五月退任的 7-11前 CEO張家榮(左),與滙豐總經理梁高美懿(中)出席該活動。(《蘋果日報》圖片)


毛利每況愈下

多年前由 7-11掀起的報紙減價戰,最初由旺角開始發炮減價一元,對於此舉, 7-11從沒有以電話、電郵等任何形式通知加盟商,「無信無會議 o架,嗰日返到鋪頭一開收銀機先發覺啲價錢唔同晒,佢哋將新嘅價錢入晒付賬系統就當係話我哋知。」加盟商回憶道。

7-11並於○九年將特許經營商會會議由每兩個月一次減至每半年一次,令反映意見的渠道一再減少。每月結算時,部分特許經營商所計出的毛利率為百分之二十二至二十四,都比總公司所計出的平均每間百分之二十八為低,但總公司從不解釋如何得出數據。由○九年起,加盟商的毛利每況愈下,香煙加稅和貨品價格數度調高後,毛利亦不升反降。今年三月春茗時,行政總裁張家榮在台上欣然宣布 7-11賺大錢慶功,台下一眾加盟商恨得咬牙切齒,有人更說:「如果唔係有五年約,我一定上台打佢一身!」

 


7-11一直以擴展速度及分店數目為傲, 06年第 711間分店開幕時,亦擇日 7月 11日作宣傳。

 


華潤創業旗下的 Vango於 07年亦加入便利店混戰,目前分店三十多間,成為第三大。


分租外判 無權「 say no」

最離譜是總公司找外判商「入侵」加盟分店的地方。大部分 7-11現有賣魚蛋、腸仔等小食,皆由總公司找外判商經營,小食檔名「熱賣點」。只要總公司要求,加盟商就要騰出地方,形同「分租」,卻無權「 say no」,而且「熱賣點」的食牌費、水電費和維修費亦要加盟商支付,收回的只是其銷售額約一成利潤。

上月 7-11終止了與「熱賣點」外判商亞洲激成長達十年的合作,其實當初加盟商對「熱賣點」外判予亞洲激成有否牴觸合約亦存在疑問,開設「熱賣點」令原本已細小的店面更狹窄,加上「熱賣點」員工被亞洲激成拖欠薪金、又欠供強積金、欠勞工假期、欠有薪年假,問題多多,「最長一次試過三個月無糧出啊!一個星期返足七日,農曆年由年初一返到年初十幾,又話人工雙計,到出糧時又當無事發生。」一名前亞洲激成員工訴說。於是「熱賣點」員工起來罷工遊行、遲到、曠工,最終影響加盟店營運,釀成終止合作收場。現時「熱賣點」已交由 7-11總公司旗下的 Food Team接手,亦新推出加盟商同時經營「熱賣點」的計劃。

梗有多間喺左近

從八一年首家 7-11登陸香港後,二十九年來, 7-11的分店數目便有如失控般擴張,由○三年直至前 7-11香港及澳門行政總裁張家榮於今年五月退休時,分店數目已在七年間由四百八十三家狂升至九百七十五家,近年更是以每星期一間速度極速擴展,現時其中六百多間已變為加盟店。新一任 7-11行政總裁的職位由 Tim Chalk繼任,他亦曾任牛奶公司企業品牌總監、香港及澳門 7-11商品銷售及市場總監。最新的 7-11口號是「 Collective Strength, Leading through 1,000 Stores」,意即以集體的力量共同邁向一千間分店。而這邁向一千家分店的鋪租,正正由 7-11總公司所負擔,單單於旺角的三十多個鋪租已是天文數字,加上不斷加租及同業競爭,唯有在入貨費和維修費向加盟商「開天索價」,彌補昂貴租金,形成惡性循環。

陳小姐以及其他多名加盟商,對局面已打定輸數,故私下結盟並走出來揭發 7-11的「暴行」,「我哋加盟商好多係中年男人,搵萬幾元要養起一頭家,好大壓力的;俾總公司欺壓,覺得好屈辱!」一名加盟商說。但由於怕對合約有任何牴觸,令總公司藉口沒收他們二十萬元「貨底錢」(即加盟時的入貨錢,在加盟合約完結後會退回),故憂心曝光。向記者展示的證據都由不同加盟商保管,以圖分散風險,就如驚弓之鳥。

加盟商多方與總公司聯絡以洽談商討解決事件,但很多時只能到達留言信箱。記者就事件亦致電牛奶公司北亞區董事麥瑞瓊,留言後亦未有得到回覆。


[1]

篇野寫得好啱,做7-11真係好慘,簡直係貼錢開鋪之餘仲要被總公司“禁”住搶,毎次見到新鋪開我都“鄧”個老闆擔心!


[引用] | 作者 hates711 | 28th Sep 2010 19:15 PM | [舉報垃圾留言]


香港做小商戶, 真係好難做, 唔同大公司合作又難做, 合作又俾佢地欺壓

[引用版主回覆] | 作者 老占 | 30th Sep 2010 09:53 AM

[2]

其實唔單只咁0架,係元朗d便利店真係爭鬥得好緊要...三步一間,真係痴0左咁.....


[引用] | 作者 MinSin | 28th Sep 2010 22:44 PM | [舉報垃圾留言]


銅鑼灣仲勁... 開到痴線

[引用版主回覆] | 作者 老占 | 30th Sep 2010 09:55 AM

[3]

我都覺得係好搵笨. 我見老板娘佢都好無心幾, 公司成日都派人落舖頭睇, 抓住老板娘話哩道唔得,果道唔掂,小小嘢就話要收返間舖唔比老板娘做 ! 一個女人仔, 一把年紀都係想開開心心,自力根生咁打理好間舖頭,過平均生活. 點知重差過打工...!


[引用] | 作者 小人物 | 23rd Oct 2010 12:10 PM | [舉報垃圾留言]


請問知唔知佢間鋪, 一個月平均可以賺幾多啊?

[引用版主回覆] | 作者 老占 | 25th Oct 2010 15:42 PM

[4] 真陰功囖

所謂有人辭官歸故里,有人漏夜趕科場,一雞死一雞嗚,若不是睇咗以上啲嘢,實領嘢啦


[引用] | 作者 不平人 | 23rd Apr 2011 18:27 PM | [舉報垃圾留言]

不平人 :
所謂有人辭官歸故里,有人漏夜趕科場,一雞死一雞嗚,若不是睇咗以上啲嘢,實領嘢啦

小商戶真係好慘

[引用版主回覆] | 作者 老占 | 30th Apr 2011 01:13 AM

[5]

我都諗住做加盟商 不過在網上睇到好多負面報導 心諗d大財團真系無良 香港無嫁啦 香港創業難到甘


[引用] | 作者 絕望的青年 | 4th Apr 2014 04:20 AM | [舉報垃圾留言]