香港新浪網 MySinaBlog
« 上一篇 | 下一篇 »
老占 | 1st Jun 2011, 00:37 AM | 講經濟 | (1097 Reads)

近排個市雖然反彈反少少, 但我仍然對個市無咩興趣, 因為預計今年上半年大部份公司的盈利將會倒退, 工業股尤甚, 要買就睇零售股啦。中港兩地股市今年都唔掂, 但原來南韓股市今年創左歷史新高, 是全世界第一個國家今年創歷史新高, 令我諗起兩年前與友人的對話, 今日應驗了。當時, 我跟朋友說, 我看好南韓的經濟, 他則因為剛去完南韓旅遊, 認為南韓仍然很落後, 持反對意見, 現在我可以在他面前耀武一下了。

當時好多人說什麼金磚四國, 但我則看好南韓, 原則就在於youtube上看過他們的歌手表演, 其實就是鹹濕仔看那隊長腿美少女組合。記得5,6年前亦曾在youtube 上看過南韓的娛樂節目, 當時只覺得他們的穿著服飾仍然很老套, 髮型服飾是落後香港五年。但早兩年前, 再在youtube上看, 已經完全不同了, 他們就是在突飛猛進, 現在他們更是在帶領亞洲的潮流..

看看k-pop , 南韓的流行音樂, 他們的跳舞組合, 現時漸漸在世界興起熱潮, 已不只是在亞洲了, 在youtube 上看已有數不盡的歐美的年輕人在youtube 上放上他們模倣南韓組合的跳舞片段, 早兩個月, 法國人因為買不到演唱會門票, 而舉行集會, 要求南韓的某公司演唱會加場。 亞洲的流行音樂在世界上興起是絕無僅有的 , 南韓在創做歷史.

回想當時與友人爭辯的論證是, 一個國家的娛樂事業, 是可以反映該地方的經濟的。我們看80-90年代中, 是香港的娛樂事業最發達的時候; 亦是香港經濟最好的時候。看看日本的情況如是, 以前我們看不起中國的明星或劇集的, 近年情況已有改變了。中國的經濟抬頭, 中國的明星亦在世界上開始嶄露頭角了。

娛樂事業是屬於奓侈品, 買唱片、看演唱會都是。當經濟好, 人民願意消費, 願意購買這些奓侈品, 明星歌星賺到錢, 唱片公司願意投放資金去包裝, 做成娛樂事業興旺. 記得90年代黎明拍一個電話廣告, 製作費要數千萬嗎? 當年香港就是有錢, 市民願意消費, 老闆賺到錢, 自然就去爭明星拍廣告, 他們的酬勞自然高。今日, 好多香港明星, 都返去大陸拍劇, 拍廣告lu, 他們的酬勞已經遠高於香港, 亦正是香港經濟的縮影.

家住銅鑼灣, 每日在銅鑼灣地鐵站都見到很多大陸人在銅鑼灣那個字旁邊影相, 你去砵蘭街, 砵蘭街那個街道牌旁邊亦常見到自由行影相, 其實這是香港電影的功勞; 其實電影事業, 對香港的旅遊經濟是有相當大的影響的。

根據這個鑼輯, 日本在緩慢衰落中, 中國南韓在快速冒起, 香港在快速衰退.....(記得畢菲特兩三年前說要投資南韓股市嗎?)

以下是一些片段

 

 


[1] 用網路來增加您的收入

居家網路工作 只要您會上網 每日在家工作2~4小時 不影響正職工作,多增加一份額外收入 免銷售 免人脈 100%合法事業 點我免費試用 http://wahez.weebly.com


[引用] | 作者 阿葉 | 1st Jun 2011 02:39 AM | [舉報垃圾留言]

[2] Korea fund

Is it time to buy some mutual fund on Korea ?


[引用] | 作者 tc | 1st Jun 2011 18:03 PM | [舉報垃圾留言]


可以研究下既

[引用版主回覆] | 作者 老占 | 2nd Jun 2011 10:38 AM

[3]

幾年前看好南韓, 玩票買佐幾十股 ishare korea (EWY), 結果已是高位, 08 時drop 左一半, 我都放一邊唔記得左. 你一提起, 我check 下先知已升返買入價 hoho 三年人事幾番新!

韓女我是很看好的

工業股179 好似仲ok, 不過2012應去返低增長

中國的經濟抬頭, 可憐人權不抬頭, 唔只不抬頭, 仲被閹了, 我已杯葛返大陸.


[引用] | 作者 RC | 1st Jun 2011 21:08 PM | [舉報垃圾留言]



179業績好似話唔錯喎, 但如果低增長, 我就無興趣去睇lu
中國經濟抬頭, 多d 人出去外國, 多d 人黎香港, 慢慢見識外面的世界, 當中國知識份子愈來愈多的時候, 由大部份農民, 轉為大部份都是城市人的時候, 中國政府是不能夠再用這種無人權的方式控制人民, 我們拭目以待吧.

[引用版主回覆] | 作者 老占 | 2nd Jun 2011 10:44 AM

[4] 韓股

用2813去睇, 港股真係大落後, 而2823更加是超級停滯不前...


[引用] | 作者 miss_mf | 1st Jun 2011 22:04 PM | [舉報垃圾留言]


中港股市真係大落後, 希望下年重拾升軌啦.

[引用版主回覆] | 作者 老占 | 2nd Jun 2011 10:48 AM

[5]

well said! love reading your posts and please keep them coming =)


[引用] | 作者 analystD | 2nd Jun 2011 22:17 PM | [舉報垃圾留言]



thank you

[引用版主回覆] | 作者 老占 | 5th Jun 2011 11:58 AM

[6] Re: 老占
老占 :

179業績好似話唔錯喎, 但如果低增長, 我就無興趣去睇lu
中國經濟抬頭, 多d 人出去外國, 多d 人黎香港, 慢慢見識外面的世界, 當中國知識份子愈來愈多的時候, 由大部份農民, 轉為大部份都是城市人的時候, 中國政府是不能夠再用這種無人權的方式控制人民, 我們拭目以待吧.

待左20 年
...



[引用] | 作者 RC | 3rd Jun 2011 20:03 PM | [舉報垃圾留言]


我諗仲要20年

[引用版主回覆] | 作者 老占 | 5th Jun 2011 11:58 AM

[7]

睇過一篇論文,話印度人口將會超過中國,中國老化人口係一個問題隱憂。印度可以研究下.


[引用] | 作者 Miriam | 6th Jun 2011 22:05 PM | [舉報垃圾留言]



印度的確係急速發展中, 但我覺得佢地發展會不及中國, 因為呢個國家階級觀念太重, 佢地幾乎係唔俾低下階層上位, 我覺得佢阻礙左社會的發展動力

[引用版主回覆] | 作者 老占 | 8th Jun 2011 11:36 AM

[8]

成也人ロ,敗也人ロ。

JP 人ロ老化 + 唔接受移民, 死硬。

你睇 singapore , USA 吸d乜人。 hk 又吸d乜人,大陸低技能人仕,大陸人來港生仔,再誇代貧窮, 死硬。hk 低能政府阻唔到大陸人來港生仔, 就應該叫阿爺幫手, 去香港生仔 要坐監!


[引用] | 作者 RC | 7th Jun 2011 21:28 PM | [舉報垃圾留言]


但也不能怪香港政府, 當年政府是不讓大陸人來港生仔後取得居港權的, 大家記得是什麼政黨當年逼政府上法庭, 之後法庭判政府敗訴, 要俾大陸人取得居港權嗎? 今日沒有多少人記得了, 這些政黨又一次將責任推給政府了, 又再逃之夭夭了

[引用版主回覆] | 作者 老占 | 8th Jun 2011 11:39 AM

[9] Re: RC
RC :
成也人ロ,敗也人ロ。
JP 人ロ老化 + 唔接受移民, 死硬。
你睇 singapore , USA 吸d乜人。 hk 又吸d乜人,大陸低技能人仕,大陸人來港生仔,再誇代貧窮, 死硬。hk 低能政府阻唔到大陸人來港生仔, 就應該叫阿爺幫手, 去香港生仔 要坐監!

大陸人在香港生仔, 我倒是覺得冇所謂, 反正香港人都生唔到. 如果又人ロ老化 + 唔接受移民. 咪一樣死硬.

造成呢個局面. 不是什麼居港權, 居港權由1990年中英談判開始討論左十幾年先有而家既方案, 經過無數釋法無數個parties搞出黎. 就算我幾唔鐘意0個個垃圾政黨, 我都唔覺得佢可以搞得咩野出黎. 如果你認為人口係一齊, 又驚佢落黎生仔, 索性取消自由行自己生好了. 每日只批二百人落黎. 一定冇晒誇代貧窮啦. 但係香港又有冇本事做呢? 現在既香港人, 就好似大陸人所講, "香港如果無左大陸, 睇怕要乞食了."


[引用] | 作者 草帽 | 8th Jun 2011 12:39 PM | [舉報垃圾留言]


如果呢班人以後留係香港工作發展, 咁就好d , 但他們的父母都不是香港人, 即係他們很大機會將來不留在香港, 未能變成香港的勞動力, 至幣係他們享有香港的福利, 可以申請公屋, 綜援, 等等., 而他們在大陸工作, 稅卻不用給香港政府...

[引用版主回覆] | 作者 老占 | 10th Jun 2011 00:11 AM

[10] Re: 老占
老占 :
印度的確係急速發展中, 但我覺得佢地發展會不及中國, 因為呢個國家階級觀念太重, 佢地幾乎係唔俾低下階層上位, 我覺得佢阻礙左社會的發展動力

如果你同印度人合作過, 冇錯佢地有階級觀念,但印度人係靠讀書改善生活,提升階級,你可以問下返工返ICC的朋友,有好多印度人,個人感覺,一般黎香港做野的印度人可能學歷、經驗、視野仲叻過黎香港做野的大陸人.


[引用] | 作者 Miriam | 8th Jun 2011 22:54 PM | [舉報垃圾留言]

Next